terkidum ku tarus bila membaca cerita dari jester pasal ulah kami semasa damit atu.ingat tah ku jua bukan saja kami mengabiskan masa kanak2 kami di keliling rumah di perpindahan atu tapi dlm rumah pun jadi mangsa kami.
walaupun bis kainchan sampat idup di kampong air dan dorang terdapat kolam renang sendiri,kami jua ada 'private pool" kami sendiri.itulah jamban di perpindahan.kalau pembaca-pembaca masih ingat jamban di bawah atu structure dulu nya lain dari masa ani.pintu dapan nya ada dinding setinggi 2 kaki dan tong business nya lebih tinggi dari lantai jamban.iatah tu jadi kolam kami tu.
cara kami membanjirkan jamban dengan menutup lobang drain nya atu dengan kain pelikat yang di barati dengan baldi berisi air atau batu supaya inda timbul.berjam-jam tah kami tu menunggu jamban atu panoh alum lagi masuk jam kan bermain tu.inda lupa jua kami kunci pintu jamban atu supaya inda kedapatan oleh orang-orang tua.
bila udah panoh nah mencabor tah kami berpupu tu,cukup dengan yang berseluar katak dan yang bertelanjang bulat.keluar tah segala skill kuak dada,breaststoke,doggie dan apa aja panggilan untuk swimming.memang siok masa atu walaupun kedapatan dan kana marahi oleh angah tapi kami inda jara.pandai tah kami tu mencari jalan untuk membanjirkan jamban atu lagi.
No comments:
Post a Comment