Tekeduhung Dang Dina menyebut fasal tabiat memutar batis ketika melimpang ani, tekanang tah Pa Basar satu ketika di mana kesemua kami adik beradik (kecuali Pa Basai) pernah tidur bersama di living room rumah Pa Damit Mat Noh di Aberdeen pakai sleeping bag).
Peristiwa ani terjadi (kalau inda silap) pada Winter (December 1978). Waktu atu Pa Basar tahun pertama di North East London Polytechnic; Puda tahun akhir di Leicester Polytechnic; Pa Iring tahun kedua di Farnborough College of Technology, Aldershot; dan Pa Damit Mat Noh tahun kedua di Robert Gordon College of Technology, Aberdeen. Just for record, nya Puda, Pa Basai ke Newcastle pada tahun berikut 1979 yang mana Puda sudah balik ke Brunei.
Atas nama tali persaudaraan, kami sepakat untuk menghabiskan cuti Krismas dan Tahun Baru melawat Pa Damit Mat Noh di Aberdeen, Scotland sambil Pa Basar iski kan bermain snow. Jadi Pa Iring turun tah dari Aldershot ke London menyinggahi Pa Basar naik train. Musim atu balum lagi pandai kan menyewa-nyewa kerita ani, jadi naik train tah saja.
Dari London, kami stopover di Leicester (rumah Puda). Keluar tah skill memasak jua. Apa yg Pa Basar ingat jua Puda musim atu tedapat Music centre (Bang & Olufsen yg nipis). Lagu-lagu yg top masa atu termasuklah ABBA (Movie yg baru-baru ani ditayangkan MAMMA MIA mengandungi hampir kesemua lagu ABBA).
Kemudian kami bertiga bertolak tah ke Aberdeen dalam cuaca yg amat sejuk sekali dan snow pun sudah mula menebal. Bila sampai masa kan tidur, apa lagi Naa, kedapatan tia rahsia tabiat memutar-mutar batis setiap orang atu. Bayangkan tah 4 jelama kali dangan 2 batis tiap seorang melimpang dalam keheningan malam!!! Macam kipas kapal terabang bah putaran batis atu. Bukan ia kan sanang tidur, mana lagi Pa Iring membawa Pa Basar bekunyanyang waktu lampu sudah dipadamkan. Padahal mata kalat udah akibat kengalihan travelling dan cuaca sajuk atu.
Bah adang tah dulu, Pa Basar pun sakit parut ketawa sambil menulis al-kisah batis beputar ani....
PS - Some of the facts may not be accurate. Kisah ani lama udah bah ia tah Pa Basar inda lagi berapa ingat.... But one fact remains that the male Omars ani paingan memutar batis sebelum tidur. How about the female members and cucu-cucu ah? Ada jua yg mewarisikah?
Pa Basar.
2 comments:
Menyingkap kembali masa di UK dulu atu memang benar winter tahun 1978 kecuali saya menuntut di Aberdeen College of Commerce .
Memutar betis ini seingat saya sudah terjadi di rumah putih Kg. Lurong Sikuna masa damit dahulu.Yang ketara banar ianya diputar oleh Yang Mulia Tuan Haji Abdul Ghani . Adik beradik yang lain inda jua berapa. Sejauh yang dikenang kembali betisnya atu sampai menyebarang ke tilam katani yang tidur dekatnya; sampai katani hot jjua.
Maklumtah waktu dulu di rumah putih itu kami tidur berhampar dengan tilam masing-masing. Yang klasik lagi ialah sambil memutar betis atu sambil mengorek telinganya, ia tah ndada orang lain tedapat tu. Terlampau marah atu kadang-kadang Allahyarham bapa pun tepaksa ikut campur! Entah siapa yang mewariskan tabiat ini tidak pula jelas. Saya cadangkan buat kajian perkara ini hahaha.
"PUTARLAH BETIS KATANI SAMPAI TERLELAP MATA"
Eh karang ani inda lagi ah! Usulnya Anih yang mewarasi masa ani.
Post a Comment